O rego de Casteligo nace da confluencia do regueiro dos Palleiros co regueiro da Corgodola, que recollen as augas das partes máis altas da serra da Queixa, algunhas a 1700 metros de altitude. A carón da estrada OU-0703 hai un miradoiro que une Celeiros coa Pobra de Trives, onde podemos deixar o coche e baixar a fotografar a fervenza, que veremos brotar entre o bosque autóctono. O río Dorelle continúa o seu curso dentro do concello ourensán de Chandrexa de Queixa e verte as súas augas ao río Navea. O río agóchase entre un bosque autóctono de carballos, salgueiros, ameneiros, bidueiros e outras especies.

Nalgúns puntos fórmase un pequeno canón de rochas graníticas. A 650 metros do mirador atoparemos un camiño á esquerda cun cartel que indica unha ruta de sendeirismo que leva a Casteligo. Para ir ao pé da fervenza hai que coller un camiño que parte á esquerda da ruta pero non está sinalizado. Camiñaremos ata alí con moito coidado, xa que está ocupado por grandes rochas, entre as que circula a auga. A fervenza ten uns 12 metros e recoméndase visitala na primavera, cando comeza o desxeo dos cumes de Manzaneda.