O concello de Meira é coñecido, en boa medida, polo Pedregal de Irimia, lugar de nacemento do río Miño. Para chegar á fervenza da Mexadoira partimos do lugar de Louseira, en cuxos arredores atoparemos un sinal da ruta oficial Miño-Eo. Dende aquí adentrámonos nun fermoso bosque autóctono, onde predominan os carballos e os castiñeiros.

Seguiremos 1 km ata chegar ao lugar no que se cruzan o rego do Carballal e o rego do Teixo. Neste punto non hai sinais, pero teremos que cruzar o rego do Teixo e continuar por un pequeno sendeiro que nos guiará ata a fervenza da Mexadoira. O último tramo ata a fervenza é bastante complicado pola forte pendente, polo que atopamos unhas cordas que nos axudarán na subida. Este treito final non é recomendable recomenda para facer con nenos.