O obxecto deste concurso é deseño da imaxe publicitaria para as 12as e 13as "Xornadas de Portas Abertas das Rutas dos Viños de Galicia., acción desenvolvida por Turismo de Galicia en colaboración coas Asociacións das Rutas dos Viños galegas, coa finalidade de promocionar e contribuír ao desenvolvemento turístico das cinco zonas vitivinícolas de Galicia.

Turismo de Galicia, consciente da tradición desta Bienal, considera que a mesma é de grande interese para a promoción turística de Galicia e, en particular, do enoturismo.

Tomarán parte neste certame os autores dos carteis finalistas e premiados da Bienal Internacional de Carteis Terras Gauda | Concurso Francisco Mantecón seleccionado previamente polo xurado.

Valorarase fundamentalmente a fácil identificación da imaxe co “Enoturismo e Galicia” e a orixinalidade da creatividade.

Ademais de informar sobre as datas e lugares de celebración das Xornadas, no cartel deben figurar, axeitadamente colocados, os logos institucionais da Xunta de Galicia, Xacobeo21·22 e Turismo de Galicia, así coma os logotipos das cinco Asociacións das Rutas dos viños galegas.

A efectos de ter información necesaria para a colocación dos logos, achégase dossier informativo.

DOCUMENTOS RELACIONADOS...

Arriba
Axúdanos a mellorar!