Turismo de Galicia

“O meu nome é Elia, a miña avoa chamoume así porque dicía que nacín co brillo do último raio do Sol, esta aventura tamén nace nese instante de luz, nese intre fuxidío imposible de reter.”

Así comeza a historia de Elia na súa procura do lugar onde observar a última luz do día, o solpor máis tardío, en Galicia, dende a Costa da Morte, un lugar máxico, cheo de historia, onde termina a terra do continente europeo e se nos descobre un final que se converte nun novo principio.