Turismo de Galicia

Debuxos gravados nas rochas graníticas.

Hai 4.500 anos, as xentes da Idade do Bronce deixaron nos montes as súas mensaxes. Son un enigma sen paralelo na Península Ibérica

Os castros son as primeiras vilas e aldeas.

Moitos teñen desaparecido debaixo das actuais poboacións, pero outros mostran aínda as ruínas das súas casas circulares.

Son testemuño da cultura que se enfrontou a Roma.

Os torques son xoias de ouro para levar no pescozo.

Son o orgullo dos guerreiros dos castros, coma estas pezas conservadas no Museo de Lugo.

Foi un devanceiro daquel Bruto que matou a Cesar, o primeiro xeneral romano que chegou ao noso país. Naquel ano 137 antes de Cristo, os Galaicos, o primeiro pobo que presenta batalla, dálle o seu nome a toda a terra dos castros.

Pasados 400 anos, o emperador Caracalla crea a provincia de Gallaecia (Galicia).

A Muralla Romana de Lugo foi declarada Patrimonio da Humanidade no ano 2000.

Son máis de 2 quilómetros de perímetro que cinxen o centro histórico da cidade desde finais do século III despois de Cristo.