Viñedos do pai Miño...
Nesta ruta descubrirás outra Ribeira Sacra, menos coñecida, pero igual de abraiante. Pola mañá visitarás o mosteiro das Bernardas, onde poderás adquirir a súa repostaría. De seguido achegaraste ao Ecomuseo de Arxeriz, espazo no que se xuntan etnografía, historia e natureza. Pola tarde gozarás das verdes ladeiras e viñedos que enmarcan o río Miño no denominado “cabo do mundo” a bordo dun catamarán. Finalmente, degustarás os viños da zona na adega Vía Romana, situada nunha casa señorial do século XVI, con espectaculares vistas do val.
Tempo libre para xantar: Escairón (14:00 - 15:50 aprox.)
