Un paseo romántico en tren…
Con este tren convidámoste a coñecer tres impresionantes xardíns impregnados de romanticismo e historia. Poderás gozar de máis de cen especies vexetais diferentes no Pazo de Rubiáns, parque botánico recoñecido como “Xardín de Excelencia Internacional de Camelias”, un galardón que ostenta igualmente o xardín do castelo de Soutomaior, que tamén visitarás. Por último achegaraste á comarca do Salnés e descubrirás os xardíns do Pazo Quinteiro da Cruz, que, como os anteriores tamén se atopan na Ruta da Camelia de Galicia.
Tempo libre para xantar: (13:40 – 15:30 aprox.)
