A camelia, flor das Rías Baixas..
A camelia é a protagonista neste roteiro, na que visitarás tres xardíns incluídos no Itinerario Europeo de Xardíns Históricos. Dous deles contan coa certificación de Excelencia Internacional da Camelia. En primeiro lugar, o Pazo Quinteiro da Cruz, un verxel no corazón do Salnés. Nel florecen máis de 5.000 exemplares de camelias de máis de 1.500 variedades, entre elas a sinensis, a partir da cal elaboran o seu propio té, que degustarás ao cabo da visita. A continuación achegarémonos ata o Pazo de Lourizán en cuxa finca de máis de 54 hectáreas temos unha zona de arboleda na que atoparemos tanto especies autóctonas de gran porte como outras foráneas. Na súa zona axardinada é onde se concentran as camelias que atoparemos en pleno esplendor.
