Os concellos que integran o xeodestino son: Catoira, Pontecesures, Valga e Vilanova de Arousa.
Xa o nome deste xeodestino remítenos ao Camiño de Santiago. Por un lado a Ruta do Mar de Arousa-Río Ulla, cos municipios de Vilanova de Arousa e de Catoira, e polo outro o Camiño Portugués cos de Pontecesures e Valga. O río Ulla vertebra este xeodestino cun enclave en plena ría de Arousa, máis alá da desembocadura.