Os concellos que integran o xeodestino son: Cambados, O Grove, A Illa de Arousa, Meaño, Meis, Ribadumia, Sanxenxo e Vilagarcía de Arousa.
Este xeodestino, situado ao sur da maior das Rías Baixas (a ría de Arousa) é unha sabia mestura de natureza, arte, tradición mariñeira e hoxe en día, do mellor ocio. Prodúcense aquí algúns dos mellores viños brancos de España, dentro da D.O. Rías Baixas. Mais non todo está na ría de Arousa, o concello de Sanxenxo sitúase na beira norte da ría de Pontevedra: o municipio de España con máis praias de bandeira azul (17 en 2023), máis de 30 hoteis de 3 e 4 estrelas e tres portos deportivos.