O xeodestino confórmano os concellos da Cañiza, Arbo, As Neves, Covelo, Crecente, Mondariz, Mondariz-Balneario, Ponteareas, Salceda de Caselas e Salvaterra de Miño.
Este xeodestino é atravesado de norte a sur polo río Tea, que transcorre polos municipios de Covelo, Mondariz, Mondariz-Balneario, Ponteareas e Salvaterra de Miño onde desemboca no río Miño. E dá nome á subzona Condado do Tea da D.O. Rías Baixas. A outra referencia gastronómica é a lamprea do Miño, co seu centro en Arbo.
Pasa polo municipio de Salceda de Caselas a Ruta da Camelia cos espectaculares xardíns do Pazo de Pegullal.
