IGREXA DE SANTA MARÍA DE RUS

Relixioso
264

Localización

Parroquia: Rus (Santa María)

Lugar: Ramil

15109  Carballo - A Coruña

Coordenadas:
43º 09' 26.0" N - 8º 40' 21.9" W

Descrición

Igrexa de estilo esencialmente barroco, construída no século XVIII. Dispón dunha planta de cruz latina á que se lle van engadindo corpos. A cubrición interior resólvese mediante unha bóveda de canón dividida en varios tramos, delimitados por arcos faixóns. Cruceiro cuberto por unha cúpula rematada en lanterna. Interior recebado e pintado de branco. Coro alto de estrutura de madeira aos pés da nave. No exterior mantén un xogo volumétrico debido ás distintas estruturas. A fachada principal está enmarcada por catro pilastras de orde xigante que sustentan o friso que acolle a porta. Séguelle unha fornela coa figura de Virxe, sobre a que se coloca un van circular. Remátase cun frontón e unha torre-campanario de dous corpos: o inferior aberto por catro de arcos de medio punto cunha campá; o superior pechado por unha cúpula de media laranxa que culmina nun pináculo. Conserva un interesante o retablo renacentista.

Acceso

Dende Carballo toma a estrada CP-1914. Tras percorrer 5.5 kms e pasar A Cana, toma o desvío á esquerda cara a Rus, onde se acha a igrexa.

Accesibilidade

Peonil e/ou en autobús e/ou en coche.
Lembra que pode haber recursos que non estean xeorreferenciados e, polo tanto, non os esteas visualizando.
Última actualización: 05/02/2018
Arriba