A muralla romana que rodea a cidade de Lugo é a única do mundo que se conserva enteira. Por iso e pola súa misteriosa beleza é Patrimonio da Humanidade.

A lenda di que os romanos construíron a muralla para protexer non unha cidade senón un bosque, o "Bosque Sacro de Augusto", en latín "Lucus Augusti", de aí o nome de Lugo. Hoxe o bosque é un misterio, pero a muralla segue en pé desafiando ao tempo e falando a quen saiba escoitala.

Construída hai máis de 17 séculos seguindo as directrices das elegantes obras de Vitruvio, a Muralla de Lugo mide máis de 2 km e ten 10 portas. Camiñar polo alto da muralla que nalgúns tramos alcanza os 7 m de ancho, e deterse nalgunhas das súas 85 torres é sentir de cerca o poder da Roma Imperial. E tamén, gozar das mellores vistas.

Arriba