Os Ancares é xunto co Courel o maior espazo natural de Galicia. É tamén Reserva da Biosfera e o último reduto da presenza do oso pardo en terras galegas. 

Territorio salvaxe e fascinante, habitado desde tempos prehistóricos pero illado e inaccesible ata hai moi pouco, Os Ancares lucenses fórmano pequenos vales coas súas vilas e aldeas encaixadas entre picos de 2000 m altura. Durante séculos aquí a vida transcorría nas pallozas, cabanas circulares co teito de palla onde convivían persoas e animais domésticos. Hoxe as pallozas son unha visita obrigada, algunha convertida en interesante museo etnográfico

Os Ancares é a natureza en estado puro. Bosques de carballos, castiñeiros, faias, acivro, abeleiras, bidueiros. Prados de uz e xesta. Xabaril, cervos, rebezos, raposos, corzos... E lobos.

Xunta de Galicia

© 2016 Turismo de Galicia | Todos os dereitos reservados
Política de privacidade | Contacto | Accesibilidade

Galicia
Arriba