Houbo cinco cruceiros, dende o s. XVIII ata hoxe, nesa mesma situación. O actual é unha obra dos anos corenta. Trátase dun cruceiro con fuste octogonal rematado por un capitel composto. No reverso, a Virxe da Piedade ladea a cabeza para mirar ao rostro de Cristo, quen mantén unha postura moi forzada, coas pernas cruzadas de xeito claramente inorgánico, o brazo con somatotipo mesomorfo e as engurras no ventre esaxeradas. No anverso, aparece o Cristo crucificado, co tórax mesomorfo que acusa o costillaje e a cabeza levantada, xa que se trata dun Cristo aínda vivo.