Pazo sen estilo definido. Conserva a traza orixinal, con planta rectangular, disposta en dúas alturas. No interior, os espazos están adaptados e acondicionados ao uso agrícola. No exterior, os muros combinan a cachotería miúda dos panos coas pezas de granito nos contornos de vans e esquinais. Cuberta de lousa a dúas augas no corpo rectangular. Presenta unha volumetría complicada, na que se diferencian os diversos corpos resultantes do seu crecemento orgánico en función das necesidades residenciais ou de explotación.