ERMIDA DE NOSA SEÑORA DAS NEVES DE BUXANTES

Relixioso
No Camiño de Santiago
416

Localización

Parroquia: Buxantes (San Pedro)

Lugar: Figueiroa

15151  Dumbría - A Coruña

Coordenadas:
42º 58' 46.9" N - 9º 07' 36.9" W

Descrición

Construída a finais do s.XV, sofre unha reconstrución en 1780. Santuario de estilo románico - neoclásico. Consta dunha soa nave con presbiterio de planta rectangular. A ábsida cóbrese cunha bóveda de canón corrido en cantería e a nave con tellado a dúas augas. Conta cun pequeno rosetón situado sobre a porta principal de entrada, moi usado na arquitectura románica e gótica polo que cabe pensar que se trata dunha peza da capela primitiva. No muro norte exterior obsérvase unha porta traveseira e un altar que facía de capela ao aire libre para as grandes concentracións relixiosas e as romarías. A fachada principal segue un esquema pentagonal: unha porta de luz rectangular, un van de reducidas dimensións tamén rectangular e unha espadana con dous arcos de medio punto peraltados que acollen ás campás.
Está situada no itinerario do Camiño cara Fisterra.

Acceso

Dende a capital municipal, dirixirse cara o SE pola estrada DP-3404 dirección Serra de Outes, logo xirar á dereita collendo a DP-2302 entrando así na parroquia de Buxantes. Máis adiante, xirar de novo á dereita dirección lugar de Figueiroa e continuar pola pista que conduce ao Santuario das Neves de Buxantes.

Accesibilidade

Peonil e/ou coche.

Camiños de Santiago

Camiño de Fisterra-Muxía
Lembra que pode haber recursos que non estean xeorreferenciados e, polo tanto, non os esteas visualizando.
Última actualización: 28/02/2017
Arriba