Trens turísticos de Galicia

Esquécete do coche e goza Galicia.

Descubre Galicia nos nosos trens turísticos. Ofertas que che brindarán unha oportunidade diferente de coñecer este senlleiro territorio.

Turismo de Galicia proponche unha engaiolante viaxe nos nosos trens turísticos. En cada unha das rutas poderás descubrir distintos recunchos do país, como achegarte ao punto máis setentrional da Península Ibérica e os cantís dos máis altos da Europa continental, deixarte sorprender pola paisaxe de socalcos da viticultura heroica ou pasear por xardíns de pazos con camelias en flor. Gozarás da nosa gastronomía nas visitas a adegas e queixerías e mesmo plantacións de té. Viaxarás ao pasado achegándote a castros, vilas medievais, mosteiros e castelos.

 
Arriba
Axúdanos a mellorar!