Realizado en granito; ten a cruz cuadrangular coa figura de Cristo crucificado, con tres cravos, inclinando a cabeza cara á dereita, as mans pechadas, coroa de espiñas, nimbo crucífero e pano de pureza anoado, así como a figura da Piedade; capitel octogonal con astrágalo da mesma forma e decorado, ábaco de lados rectos e volutas; fuste octogonal coas imaxes de Santiago Peregrino e San Juan, tibias en X e adornos nos chafráns; base cuadrangular con símbolos da Paixón; a plataforma é cuadrangular de dous graos.