Cruceiro de tipo de Crucifixo con plataforma cuadrangular de cinco chanzos e pedestal cúbico rematado con bocel. Ten unha mesa acaroada á plataforma.

O varal é cadrado con chafráns con adornos nos chafráns e recadro na parte cuadrangular do pedestal. O capitel é cilíndrico con astrágalo circular e liso e ábaco de lados rectos. Ten ademais volutas, follas de camelia e cabezas de anxo con ás. A súa cruz é circular e amosa polo seu anverso a Cristo Crucificado con tres cravos e as mans abertas. Inclina a cabeza cara á dereita cunha coroa de espiñas e unha cartela coas siglas INRI. O seu pano de pureza vai anoado á dereita. A esta imaxe de Cristo fáltalle un brazo por rotura. Polo reverso da cruz fica a Virxe en actitude de orar coas mans xuntas e sobre unha peaña dun anxo con ás. O cruceiro é todo de granito.