Edificación cunha nave de forma rectangular con capelas aos lados que se cobren como a nave principal con bóveda de medio punto, levando na fachada  unha espadana de dous arcos. No lado sur ábrese a porta que funciona como principal para dar ao adro, que ten data de 1611, inscrición que se pode contemplar con outra do lado oposto, xa no interior pon data do día de San Roque de 1652, a porta é de arco rebaixado con dúas molduras e pilastras enmarcándoa. No interior atopámonos con columnas de orde Corintia e Salomónico en retablos do século XVII-XVIII, así como un retablo do barroco do século XVII. Os muros son de sillería e ante a fachada, alpendre apeado en pilastras con pequenos capiteis.