Muíño de canle, abastecida polo río Salgueiras; realizado en pedra con cuberta de tella, está formado por un edificio central de forma rectangular, con ventá alintelada e cuberta a catro augas. Ten unha nave lateral anexa con tellado en pendente e ventá alintelada por onde circula o rego do muíño. Ten outra pequena nave pegada na fronte, con tellado en pendente. Ao outro lado do camiño de entrada, un alpendre de pedra, con tellado a unha vertente, o fin da cal era albergar os animais de carga.