Construída no s. XVIII. Ten unha nave de planta rectangular, muros de cachotaría e cuberta a dúas e tres augas con tellado de tella. A fachada, de cantería granítica, ten unha porta alintelada decorada con molduras, unha fornela, que alberga a imaxe da Virxe, un óculo, unha cornixa mixtilínea e unha cruz. Sancristía pegada ao presbiterio. Espadana dun corpo e con dous vans, ten dous arcos de medio punto apoiados en pilastras, un frontón triangular e está rematada por un pináculo.