A igrexa parroquial está dedicada a Santiago. A imaxe, de peregrino, aparece no interior da fornela, sobre a portada. Esta última resólvese con arco de medio punto, de grandes doelas e clave figurada. Sobre o frontispicio, a espadaña remata o conxunto, con arcos peraltados e frontón triangular. No seu interior o retablo maior, obra do século XVIII, mostra relevos dos Evanxelistas, Santiago na batalla do Clavixo e a Degolación do Apóstolo.