Capela de estilo barroco, construída no século XVIII. Presenta unha planta rectangular onde se desenvolve unha soa nave. O espazo entre o presbiterio e a nave áchase diferenciado por un arco triunfal. Os elementos decorativos son moi escasos. Exteriormente, a fachada principal concentra toda a decoración, superpoñéndose unha porta rectangular e un pequeno oco. A cornixa semicircular interrómpese no medio para servir de base á espadaña dun só corpo.

Os seus muros son de carga, realizados en cachotería, con excepción de esquinais, ocos e fachada principal, que presentan pezas regulares de granito. A cuberta a varias augas, con cubrición de tella curva.