A Casa Rectoral de Hío ten un indubidable aspecto de pazo. Estrutúrase con planta en forma de L con balcón balaustrado cuberto mirando ao patio pechado ao que se accede mediante un portalón. Parte da fábrica debe pertencer ao século XVII, como así parece testemuñalo a inscrición -1677 - que figura na fonte do patio, mandado construír polo párroco don Bentura de Aldao. Non obstante, outra parte da obra é perfectamente adscribible ó século XVIII. Conta tamén con hórreo e pombal.