Pequena igrexa do románico rural (s.XII). Os elementos máis representativos son a ábsida e a fachada, con portada de características primitivas e dous pares de columnas de capiteis decorados con motivos florais e zoomórficos. Sobre a portada ábrese unha ventá con arcos apoiados sobre columnas. Na parte posterior da ábsida rectangular, hai unha longa ventá encadrada entre dúas pequenas columnas, rodeando todo o conxunto un cordón de billetes. Interesante igrexa pola súa sinxeleza e antigüidade, sendo curiosa a ornamentación formada por trevos e debuxos que representan lapas estendidas.