O templo de San Simón de Nande segue o esquema tradicional con cabeceira cara ó leste e fachada mirando cara ó oeste. 

A planta do templo é de salón, conformada por unha capela maior ou ábsida de forma rectangular e unha nave da mesma estructura.

A base estructural da igrexa é gótica, de finais do século XV e as capelas laterais son do derradeiro tercio do século XVI, con reminiscencias góticas. A sancristía foi construída a finais do século XVII ou principios do século XVIII, e conserva unha bóveda de cruzaría de carácter rural. A espadana da fachada está datada no ano 1852.

Á nave accédese a través dun arco triunfal apuntado, volteado sobre machóns.