Presenta dous escudos ben tallados, coroados con helmos empenachados e a Cruz do Santo Oficio da inquisición acolada. Nos seus cuarteis repítense con diversos estilos as mesmas armas. Catro flores de lis entre os vans dun aspa, dúas calderetas das que emerxen serpes, un castelo con flores de lis sobre as ameas e unha aguia con ás despregadas rodeadas dun guarnido cinto.
Indícanos que Corcoesto contaba con outra estirpe fidalga, a dos De La Fuente, familia salientable nas Ordes Militares e Reais Chancelarías de Valladolid.
Da casa orixinal só se conservan os dous escudos, hoxe en día é coñecida con outros apelidos debido ó cambio de propietarios.