A CUROTA

Áreas de recreo e miradoiros
No Camiño de Santiago
2282

Localización

15940  A Pobra do Caramiñal - A Coruña

Coordenadas:
42º 37' 33.2" N - 8º 57' 35.3" W

Descrición

O monte da Curota (596 m) localízase no sector sur da serra do Barbanza, conxunto granítico que artella esta península separando as rías de Muros e Noia (cara ao noroeste) da de Arousa (cara ao sureste).

A Curota conta cun conxunto de miradoiros como o Alto da Lagoa, coñecido por albergar unha estatua do ilustre literato Valle-Inclán; A Curota, coas antenas de comunicacións e A Curotiña (512 m), lugar a medio camiño entre os anteriores e onde se localiza este miradoiro, coñecido como A Curota de modo xenérico.

Dende este cumio gózase dunha ampla perspectiva das Rías Baixas, destacando a presenza de bateas nas ricas augas da ría de Arousa, salpicadas entre illas e illotes entre os recortes do litoral.

Camiños de Santiago

Ruta do Mar de Arousa e Ulla
Lembra que pode haber recursos que non estean xeorreferenciados e, polo tanto, non os esteas visualizando.
Última actualización: 15/01/2018
Arriba