Situado na reitoral de Monterroso, consta de catro seccións: etnografía, ourivaría relixiosa e civil, arqueoloxía e diplomática. Destacan pezas arquitectónicas coma unha fiestra xeminada do século VIII que pertenceu a un antigo mosteiro da zona, unha cruz procesional, un botafumeiro de prata de estilo compostelán, un verrón de pedra do século II d. C., así como numerosos muíños e pezas da cultura castrexa da comarca.