O noso aloxamento turístico está situado en pleno centro histórico de Santiago, a poucos pasos da Alameda, a rúa do Franco ou a Praza do Toural e apenas a un par de minutos camiñando da Catedral; polo que se trata do lugar perfecto para gozar do bulicio e o ambiente especial que desprende a zona vella.

Contamos con catro apartamentos independentes con capacidade para entre 2 e 4 persoas, nos que a tradición e a modernidade danse a man para crear un espazo contemporáneo, cómodo, decorado con mimo e totalmente equipado para que te sintas como na casa durante a túa estancia.