En maio do 2016 rehabilitouse esta granxa avícola para convertila no moderno e orixinal albergue "A Nave de Ferreira". Ofrece aloxamento tanto en dormitorios comunitarios de 7 e 3 prazas en liteiras, como en habitacións dobres, cun total de 40 prazas. Todas as habitacións teñen baño incorporado para maior comodidade. Ademáis conta con Wifi gratuito en todo o establecemento e amplas zonas comúns para disfrute do peregrino; dende unha sala de estar para descanso con lectura e xogos de mesa a disposición, comedor, bar... ata un gran xardín de herba e castiñeiros. Tamén existe a posibilidade de participares na cea comunitaria para coñecer e compartir momentos co resto de alberguistas. Todo iso ao bordo do Camiño Primitivo a tres etapas de Santiago.