Miradoiro dende o que se divisa unha ampla panorámica de Foz e a ría, e en días despexados dende Burela ata a punta de Valo, situado no monte de "Pico da Lebre" a 358 m. de altitude, nun ámbito vexetacional de monte raso, de repoboacións forestais con eucaliptos e piñeiros, e de vexetación autóctona con bidueiros, carballos, castaños, ameneiros e acacias. Queda a 500 metros da coñecida área recreativa e capela de "O Bispo Santo".