Esta ermida da Alta de Rus non ten especial valor artístico ou construtivo mais conta cun mérito non pouco curioso vinculado á tradición oral. Moi preto dela hai unha pedra curandeira, coñecida como a "Pedra do Cu", da que din que é boa para as almorrás. 

Cómpre non esquecer que esta é unha das pedras curandeiras, con reminiscencias precristiáns, que podemos atopar na Costa da Morte, como a Pedra dos Cadrís, en Muxía ou a "cama" de San Guillerme, boa para curar a esterilidade.