A historia da igrexa de Pedornes está intimamente ligada á do Mosteiro de Oia. No ano 1137 a igrexa foi doada ao Mosteiro de Oia. Exercía como parroquial, xa que Oia non tivo consideración de parroquia ata o ano 1841 e nese mesmo ano Pedornes pasa a ser parroquia totalmente independente.

Na fachada occidental no centro hai unha inscrición “1732 Refugio” e a imaxe do seu Patrón San Mamede que para protexelo puxéronlle un cristal.

No interior consérvanse retablos onde se pode ver a presenza dos monxes do Mosteiro.

A bóveda da capela maior ten moi bo traballo de cantería nos perpiaños que a forman. Nela atopamos labrado na pedra o escudo completo do Mosteiro coa seguinte inscrición “ESTA CAPILLA ES DE EL RL MONASTERIO DE HOIA REEDIFICOSE AÑO 1736".