Foi construída no terceiro terzo do S XVIII, aínda que posteriormente acometéronse diversas modificacións como a construción da capela maior no XIX. Na fachada principal atopamos a porta con lintel, a figura do patrón aloxada nunha fornela e unha pequena fiestra circular. Sobresae a espadana, que contén dous arcos de medio punto con cadansúa campa, cornixa embaixo e enriba deste conxunto, e remata en forma triangular, con un pináculo en cada vértice mais unha cruz central.