Grupo escultórico constituído por un retablo de ánimas en forma de parede e por un cruceiro situado a 25 metros do anterior. O cruceiro é obra de 1908. Consta de varal octogonal na súa parte baixa que se transforma en altura en forma oval. Coróase mediante capitel de follas e catro cabeciñas de anxo. Este capitel serve de base a unha cruz de considerables dimensións onde se dispón a figura de Cristo baixo INRI acompañado por un anxo que recolle nunha copa o sangue que mana da súa ferida. O retablo de ánimas preséntase en forma de mural e engloba a un total de sete ánimas.