Pazo que continúa habitado por descendentes dos primeiros donos (Aniño e Solloso). Pegada á parte destinada a vivenda atópase unha construción adjetiva con funcións de alpendre. Planta rectangular. Carente de decoración. Interesante fachada principal con escudos sobre unha das ventás inferiores. Nun deles pódense apreciar, nos tres cuarteis do brasón, as liñaxes de "Lago", "Tenreiro" e "Piñeiro". No outro escudo é difícil a súa identificación. Fachada caleada deixando a pedra á vista en esquinais e marcos de vans en cantería. Na entrada hai embutidas dúas pedras, unha con forma triangular e outra rectangular cunha figura labrada. Cuberta a dúas augas de tella curva.