Comezado a construír no século I d.C. sobre un esporón de lousa que se eleva 300 m. sobre a beira dereita do río Lor. Mide 150 por 45 m nos seus eixes maiores, e está delimitado por unha muralla e un gran foxo no seu extremo NW. Este foxo mide 120 m de longo, ten un fondo de 16 m e un ancho que varía entre os 5 e 20 m. O poboado está conformado por dous recintos dispostos en liña ao longo do esporón rochoso. Hai tamén un curioso depósito de auga escavado na roca viva.