Pertence ó Pazo de Lestrobe, localizada nun dos seus laterais. Ten como advocación o Anxo da Garda, gardándose no seu interior unha importante talla a tamaño natural da imaxe da  Virxe das Dores, obra de Manuel de Prado, de formas clásicas e harmónico contraposto, que se converteu en modelo iconográfico do neoclásico galego.  O arquitecto Pérez Monroy trazou os retablos da capela.

Ten bóveda de pedra con cornixa corrida, na súa fachada, ten un campanil que supera o beirado do tellado. Podía accederse directamente dende o antigo Palacio Arzobispal, agora Hotel-Monumento Pazo de Lestrobe.