Camiño de Santiago
Natureza
Cultura e Patrimonio
Mar e Costa
Rutas
Gastronomía
Turismo de Saúde
Promocións para disfrutar agora
Axenda cultural
Vai pasar... Ver todos
Desde Castro de Abaixo, ascende por unha pista que coincide co antigo Camiño Sur de Santiago, tamén chamado Camiño de Inverno. Entre campos de labor, prados e algún bosque autóctono, a subida aproximaranos ata a aldea de Torbeo. É recomendable facer o roteiro neste sentido, xa que deixaremos a baixada e o paseo xunto ao río Sil para o final do traxecto.
En Torbeo, é interesante abandonar o roteiro e visitar a próxima igrexa románica de Santa María ( ss. XII-XIII), pertencente ao antigo priorado dos frades de San Benito.
Comeza o descenso cara a Covela pero, antes de chegar, admiraremos o traballo sobre a pedra no lugar chamado Pena Tallada. Este camiño foi labrado a man para permitir o paso de homes, animais e carruaxes. Desde unha atalaia moi próxima hai vistas espectaculares sobre o pechado meandro que forma o río Sil.
Desde A Covela, o carreiro é un camiño ao bordo do río, en gran parte empedrado e cuberto por un bosque mediterráneo de sobreiras, madroños e aciñeiras. Ao final do percorrido, a senda ascende suavemente ata Castro de Abaixo.
Este portal utiliza cookies propias de tipo técnico e de terceiros para mellorar, mediante a análise da navegación, o servizo ofrecido. As cookies non se utilizan para recoller datos persoais. Coñeza como as usamos e de que maneira pode cambiar a súa configuración