Cruceiro de tipo “De Crucifixo” con plataforma cuadrangular de tres chanzos e pedestal cúbico achafranado cunha mesa acaroada. O varal é circular comezando en cadrado. O capitel é cuadrangular con astrágalo circular soportando unha cruz circular, leñosa con nós. No anverso da cruz presenta a Cristo Crucificado con tres cravos e as mans abertas. Cabeza ergueita cunha coroa de espiñas e un pergamiño coas siglas INRI. O pano de pureza semella estar anoado cunha corda. Polo reverso da cruz fica a Virxe cos dedos das mans entrelazados sobre unha peaña cuadrangular. O cruceiro é todo de granito.