Construción do século XIX, refeita sobre outra un pouco máis antiga.Toda a extensión de terreo do pazo está rodeado por un murallón baixo. Conta cun portalón de entrada coroado cun reloxo de sol. A súa fachada principal da paso a unha solaina con cuberta e a unha galería acristalada. Posúe unha interesante pedra de armas dos Limia rodeada de decoración barroca. Sobresae na cuberta unha cheminea de sección transversal trapezoidal. Sufriu moitas modificacións, actualmente está dividido e a súa forma aproxímase a un rectángulo cunha torre-castelo cadrada pegada no espazo norte do edificio.