Igrexa de estilo barroco compostelán. Construída entre 1735 e 1779. Recíbenos unha fachada tipo retablo sobre a que se asenta unha esvelta torre, levantada tomando como modelo a torre do reloxo da catedral de Santiago de Compostela. Ten unha planta de cruz latina, destacando un ciborio no centro. No interior resalta o retablo do século XVIII no altar maior e tamén unha gran pila bautismal, tallada en granito, ó carón da porta principal.

No adro da igrexa podemos apreciar restos de cruceiros que formaban parte dun calvario.