IGREXA PARROQUIAL DE SANTA BAIA DE ADÁ

Relixioso
No Camiño de Santiago
170

Localización

Parroquia: Adá (Santa Baia)

Lugar: Adá

27511  Chantada - Lugo

Coordenadas:
42º 39' 52.9" N - 7º 50' 58.9" W

Descrición

Edificio de orixe románica, reedificado no século XVI. De planta rectangular, cun presbiterio cadrado ao que se apega no lado dereito unha sancristía de tendencia cadrada. Os muros son de cachotería e cantería de granito, con cuberta a dúas e tres augas. Conserva dous modillóns que puideron ser aproveitados da construción románica. O presbiterio sepárase da nave por medio dun arco triunfal de medio punto que, ao igual que a distribución da planta xeral, poderían pertencer á primitiva obra románica. A nave dispón de dúas portadas de acceso, ambas as dúas alinteladas, unha lateral e outra na fronte. Esta remátase cunha espadana de dous vans. Conserva retablos de estilo barroco e neoclásico.

Acceso

Saír de Chantada pola estrada LU-213. A 10 km aproximadamente coller o desvío á dereita pola LU-P- 6001.

Accesibilidade

Peonil e/ou en autobús e/ou en coche.

Camiños de Santiago

Camiño de Inverno
Lembra que pode haber recursos que non estean xeorreferenciados e, polo tanto, non os esteas visualizando.
Última actualización: 14/12/2017
Arriba