Presenta planta rectangular dunha soa nave, con ábsida rectangular e un ancho pórtico cuberto soportado por dous piares no lateral esquerdo, que resgarda a porta de acceso á sancristía. Fabricada en cachotería luosenta, exceptuando o cadeirado granítico de reforzos de vans e esquinais e da fachada principal. Da edificación orixinaria do s. XIII só se conserva parte do lateral esquerdo. Frontis de estilo neoclásico con ancha porta alintelada e un ventanal abucinado de estilo románico no centro (similar aos dos muros laterais), rematando na parte superior cunha esvelta espadana de dobre oco con dúas grandes campás. Interior: arco triunfal de medio punto e retablo maior barroco con influencias churriguerescas. A actual titular da Igrexa (Sta. María) vén a substituír o seu antigo titular: Santo andrés del bosque Andrés del Bosque.