Edificio construído no s. XVI para lugar de reunión do Concello, fabricado en cuarcitas e granito e cuberto con lousa. A fachada principal alberga unha fornela co talle de madeira policromada de San Roque do s. XVIII e a fachada que dá cara á Catedral posúe un escudo imperial de Carlos V e unha balconada de ferro forxado. Actualmente alberga no seu interior a Biblioteca Pública Municipal e a Oficina Municipal de Turismo.