Edificio academicista construído entre 1903 e 1913 por Antonio Bermejo Arteaga e Arturo Calvo como Escola de Veterinaria; desde 1924 pasa a ser cuartel militar. Na actualidade é a sede do Parlamento de Galicia. A restauración e adaptación do edificio é obra do arquitecto Andrés Reboredo.
É de planta rectangular e organízase en torno a un patio. Está constituído por catro corpos angulares e dous centrais, un na fachada anterior e outro na posterior, todos saíntes e unidos entre si por seis corpos intermedios.