Igrexa de mediados do século XX. Planta basilical, dividida en tres naves separadas por columnas con arco de medio punto. O altar maior está situado sobre unha escalinata. O exterior é de cachotaría revogada e a cuberta a dúas augas, con grandes contrafortes separando os vans. A súa fachada principal ten tres portas de entrada con arcos apuntados. Adro ben conservado, cun pequeno parque nas súas inmediacións. Casa rectoral anexa.